لائیوسٹاک ٹاسک فورس کا آن لائن اجلاس، سیکرٹری لائیوسٹاک پنجاب کی شرکت

Livestock Task Force Meeting, Secretary Livestock also participated  | لائیوسٹاک ٹاسک فورس کا آن لائن اجلاس، سیکرٹری لائیوسٹاک پنجاب کی شرکت

لاہور(پ ر) لائیوسٹاک سیکٹر میں قدرتی وسائل کو بطریق احسن بروئے کار لانے کے لیے کوشاں ہیں اور اس حوالے سے مختلف شعبوں میں مشترکہ تعاون کی ضرورت ہے تاکہ ملکی ترقی و ترویج ممکن ہو سکے۔ ان خیالات کا اظہار سیکرٹری لائیوسٹاک محمد مالک بھُلہ نے ایک آن لائن اجلاس کے دوران کیا۔ تفصیلات کے مطابق وزارت نیشنل فوڈ سیکیورٹی اسلام آباد کے تحت لائیوسٹاک ٹاسک فورس کا اہم مشاورتی آن لائن اجلاس وفاقی وزیر برائے نیشنل فوڈ سیکیورٹی اینڈ ریسرچ طارق بشیر چیمہ کی زیر صدارت منعقد کیا گیا۔ اجلاس کا مقصدلائیوسٹاک سیکٹر کی بہتری کے لیے قومی حکمت عملی تشکیل دینا تھا۔ اجلاس کے دوران لائیوسٹاک سیکٹر کو درپیش چیلنجز بارے تفصیلی مشاورت کی گئی۔ سیکرٹری لائیوسٹاک پنجاب محمد مالک بھُلہ نے اجلاس میں آن لائن شرکت کی۔ سیکرٹری لائیوسٹاک محمد مالک بھُلہ کا کہنا تھا کہ شعبہ لائیوسٹاک کی بہتری کیلئے تمام تر انفرادی کاوشوں کی درست سمت متعین کرنا ہوگی تاکہ اس شعبہ کی ترقی و ترویج کے لیے فیصلہ سازی میں آسانی ہو۔ مزید یہ کہ ملکی معیشت کے اہم شعبہ لائیوسٹاک بارے وفاقی سطح پر میکانزم تشکیل دینا خوش آئند ہے۔ سیکرٹری لائیوسٹاک کا مزید کہنا تھا کہ مال شماری، دودھ وگوشت کی پیداوار میں اضافہ اور قیمتوں کے تعین بارے قومی پالیسی وضع کرنا ناگزیر ہے۔اجلاس میں دیگر صوبوں کے سیکرٹریز، وائس چانسلرز، لائیوسٹاک ماہرین، اینیمل ہسبنڈری کمشنر اور ڈیری و فارمرایسوسی ایشن کے نمائندگان نے بھی شرکت کی۔

لائیوسٹاک ٹاسک فورس کا دوسرا اجلاس، ڈیری اینڈ کیٹل فارمرز ایسوسی ایشن کی شرکت

لائیوسٹاک سرمایہ کاری، آرمی چیف کے نام خط