سیکرٹری لائیوسٹاک اور سیکرٹری وائلڈ لائیف پنجاب تعینات

Secretary Livestock and Wildlife Punjab Posting

سیکرٹری لائیوسٹاک اور سیکرٹری وائلڈ لائف پنجاب کی تعیناتیاں
لاہور (جاسر آفتاب) پنجاب کی بیوروکریسی میں بڑے پیمانے پر تبادلوں کے نتیجے میں سیکرٹری لائیوسٹاک کی سیٹ پر مستقل تعیناتی بھی ہو گئی ہے۔ محمد احسن وحید کو سیکرٹری لائیوسٹاک اینڈ ڈیری ڈیویلپمنٹ پنجاب تعینات کیا گیا ہے۔ اس سے قبل اس سیٹ کا اضافی چارج سیکرٹری ایگریکلچر پنجاب ڈاکٹر واصف خورشید کے پاس تھا۔ محمد احسن وحید گریڈ 20 کے PMS آفیسر ہیں جو اس سے قبل گورنمنٹ سرونٹ ہاؤسنگ فاؤنڈیشن کے مینجنگ ڈائریکٹر کی حیثیت سے فرائض سر انجام دے رہے تھے۔
انہی ٹرانسفرز کے نتیجے میں محکمہ فاریسٹ، وائلڈ لائف اور فشریز کے سیکرٹری کی حیثیت سے کیپٹن (ر)محمد آصف فرائض سر انجام دیں گے۔ واضح رہے کہ اس سے پہلے اس پوسٹ کا اضافی چارج بھی سیکرٹری ایگریکلچر ڈاکٹر واصف خورشید کے پاس تھا۔