طوطوں کی نگہداشت اور حفاظتی تدابیر

Parrots care - care and management of parrots

طوطوں کی نگہداشت اور حفاظتی تدابیر

Care and Management of Parrots | طوطوں کی نگہداشت اور حفاظتی تدابیر | Parrots Care

پرندوں کی حفاظت کیلئے ویٹرنری یونیورسٹی میں مہم کا آغاز

سما ء اویس اکرم، نوید احمد، غزالی بلوچ، محمد عمر
(کالج آف ویٹرنری اینڈ اینیمل سائینسز جھنگ)
اپنے طوطوں کی بہتر نشوونما اور افزائش کیلئے ان کی غذائیت کا خاص خیال رکھیں۔ غذائی ضروریات کو پورا کرنے کے لئے طوطوں کی خوراک میں تِل، سورج مکھی کے بیج، مکئی، مونگ پھلی،جوار اور باجرہ وغیرہ استعمال کریں۔ان تمام بیجوں کو مکس کر کے پانی میں بھگو لیں اور اپنے طوطوں کو یہی خوراک دیں۔اس کے ساتھ ساتھ پھل مثلاً سیب، امرود اور انگور وغیرہ بھی کھانے کو دیں ، سبزیوں میں مثلاًکدو، کھیرا اور ٹینڈے وغیرہ بھی دے سکتے ہیں۔جب طوطوں کا بریڈنگ سیزن یعنی انڈے دینے کا موسم قریب آئے تو ان کی غذا میں کیلشیم اور فاسفورس کو شامل کر دیں۔اکژ اوقات طوطے پالنے والے حضرات کایہ گلہ ہوتاہے کہ ہمارے طوطوں کے انڈے بغیر چھلکے کے ہوتے ہیں ،اس کی وجہ کیلشیم کی کمی ہے۔ لہٰذا اس کی روک تھام کیلئے کیلشیم اور فاسفورس کا استعمال ضروری ہے۔

Parrots care and management

Parrots care - care and management of parrots
بعض دفعہ جب انڈوں سے بچے نکلتے ہیں تو کمزور ہوتے ہیں اور ان کے پاؤں مڑے ہوتے ہیں اور ان میں سے اکثر مر بھی جاتے ہیں۔ اس کی وجہ وٹامنز اور منرلز کی کمی ہوتی ہے۔وٹامنز بی۱، بی ۶ اور بی۱۲بہت ضروری ہیں۔وٹامنز اور منرلز پینے والے پانی میں ڈالیں اور روزانہ پانی تبدیل کریں۔اپنے طوطوں کی جنسی صلاحیت بڑھانے کیلئے وٹامن۱ے، ای اور ڈی کا استعمال کروائیں۔
احتیاطی تدابیر
۱۔طوطوں کی بہتر صحت اور بیماریوں سے محفوظ رکھنے کیلئے ان کے پنجرے کی روزانہ صفائی کریں۔
۲۔پنجرے میں کاغذ یا اخبار ڈال دیں اور ہر ہفتے تبدیل کریں۔
۳۔پنجرے کی لمبائی پرندے کے پروں کی لمبائی کے دوگنی ہونی چاہیئے۔
۴۔طوطوں کو ایسی جگہ رکھیں جہاں سورج کی روشنی پہنچ سکے۔
۵۔ان کے پنجرے کو اپنی آنکھوں یا قد سے زیادہ اوپر نہ لٹکائیں۔
۶۔اپنے پرندوں خاص طور پر طوطوں کو ایسی جگہ رکھیں جہاں پر آپ آجارہے ہوں۔
۷۔طوطوں کو باورچی خانہ کے قریب نہ رکھیں۔
۸۔اپنے طوطوں کو مکمل غذا دیں ۔کسی ایک چیز کی کمی بہت سارے مسائل پیدا کرسکتی ہے۔
۹۔بیمار پرندوں کو جلد از جلدویٹرنری ڈاکٹر سے چیک کروائیں۔
اللہ پاک بہتر کارساز ہے، ہم صرف کوشش کر سکتے ہیں۔

author avatar
Editor In Chief
Dr. Jassar Aftab is a qualified Veterinarian having expertise in veterinary communication. He is a renowned veterinary Journalist of Pakistan. He is veterinary columnist, veterinary writer and veterinary analyst. He is the author of three books. He has written a number of articles and columns on different topics related to livestock, dairy, poultry, wildlife, fisheries, food security and different aspects of animal sciences and veterinary education.

Read Previous

تصاویر: لاہور چڑیا گھر میں برڈ شو کا انعقاد

Read Next

چڑیا گھر میں برڈ شو کا انعقاد

Leave a Reply

Your email address will not be published. Required fields are marked *

Share Link Please, Don't try to copy. Follow our Facebook Page