سردار حسنین بہادر دریشک وزیر لائیوسٹاک کی ہالینڈ کے وفد سے ملاقات

Minister livestock punjab

 سردار حسنین بہادر دریشک وزیر لائیوسٹاک کی ہالینڈ کے وفد سے ملاقات

ہمیں لائیوسٹاک کودرپیش مسائل کاحل نکالناہے: صوبائی وزیرلائیوسٹاک
سردارحسنین بہادردریشک وزیرلائیوسٹاک کی ویجننجن یونیورسٹی ہالینڈ کے وفد سے ملاقات
موجودہ حکومت لائیوسٹاک کے مسائل کو ترجیحی بنیادوں پر حل کرناچاہتی ہے۔ ان خیالات کااظہار سردارحسنین بہادردریشک صوبائی وزیرلائیوسٹاک نے ویجننجن یونیورسٹی ہالینڈ کے وفد سے ملاقات کے دوران کیا۔ اس اعلیٰ سطحی اجلاس میں LUMSکے فضل جواد اور ٹیٹراپیک کے ڈائریکٹرمارکیٹنگ کے ہمراہ محکمہ لائیوسٹاک کے ڈائریکٹرکمیونیکیشن اینڈ ایکسٹینشن ڈاکٹرآصف رفیق نے شرکت کی۔اس موقع پر صوبائی وزیرلائیوسٹاک نے ویجننجن یونیورسٹی ہالینڈکے پروفیسریل کویادگاری شیلڈکاتحفہ بھی دیا۔ ویجننجن یونیورسٹی ہالینڈ کاشمارلائیوسٹاک کے شعبہ میں تحقیقی حوالے سے دنیاکی بہترین یونیورسٹیوں میں کیاجاتاہے۔ موجودہ حکومت تمام دستیاب وسائل کو بروئے کارلاکر غذائی پیداوارمیں اضافہ اورلائیوسٹاک کے شعبہ میں خودکفالت کے ذریعے حیوانی لحمیات کی کمی کو پوراکرناچاہتی ہے۔ یہی وجہ ہے کہ محکمہ لائیوسٹاک پنجاب اورویجننجن یونیورسٹی ہالینڈ کے ماہرین مل کر مویشیوں کی بہترین نسلوں اور غذائی پیداوارمیں اضافے پر تحقیق کریں گے۔ اس موقع پرویجننجن یونیورسٹی ہالینڈ کے پروفیسریل نے کہاکہ لائیوسٹاک کی ترقی کے لیے پاکستان کابھرپورساتھ دیں گے۔ سردارحسنین بہادردریشک صوبائی وزیر لائیوسٹاک نے کہاکہ 90فیصد غریب لائیوسٹاک فارمرز ہمارے ملک کااصل سرمایہ ہیں اورہمیں لائیوسٹاک کو درپیش مسائل ترجیحی بنیادوں پرحل کرنے ہیں۔ اس موقع پر صوبائی وزیر نے مزید کہاکہ ویجننجن یونیورسٹی ہالینڈ کے ساتھ لائیوسٹاک ریسرچ پر معاہدہ بھی کیاجائے گا۔