ڈیزیز فری زون سے ملکی برآمدات میں خاطر خواہ اضافہ ہو گا:وزیر لائیوسٹاک

Livestock department steering committee

ڈیزیز فری زون سے ملکی برآمدات میں خاطر خواہ اضافہ ہو گا:وزیر لائیوسٹاک

Livestock Department –  dairy development steering committee meeting chaired by Minister Livestock Sardar Husnain Dreshak

Virtual Veterinary Expo Ad

انڈین ایکسپرٹ پروفیسر ڈاکٹر اپل کا منسٹر لائیوسٹاک پنجاب حسنین بہادر دریشک کے ہمراہ ویٹرنری ریسرچ انسٹیٹیوٹ کا دورہ

Steering committe Livestock and dairy development steering committe

ڈیزیزفری زون سے ملکی برآمدات میں خاطرخواہ اضافہ ہوگا: وزیرلائیوسٹاک
پاکستان ملائشیاء، روس اورچین میں لائیوسٹاک پروڈکٹس کی ایکسپورٹ مارکیٹ میں داخل ہوجائے گا: سردارحسنین بہادردریشک

صوبائی سیکرٹریٹ میں محکمہ لائیوسٹاک اینڈ ڈیری ڈویلپمنٹ کی سٹیرنگ کمیٹی کا ایک اہم اجلاس ہوا جس کی صدارت صوبائی وزیرلائیوسٹاک سردارحسنین بہادردریشک نے کی۔سٹیرنگ کمیٹی کی اس میٹنگ میں سیکرٹری لائیوسٹاک محمداحسن وحید کے ہمراہ ایڈیشنل سیکرٹری(ایڈمن)، ایڈیشنل سیکرٹری(پلاننگ)،ایڈیشنل سیکرٹری(ٹیکنیکل)، ڈائریکٹرجنرل(توسیع)، ڈائریکٹرجنرل(ریسرچ)، ڈائریکٹرجنرل(پروڈکشن)،FAOکے کنسلٹنٹ ڈاکٹرمحمد افضل اورڈائریکٹرزنے شرکت کی۔ اس اعلیٰ سطحی اجلاس کا مقصد مویشیوں میں منہ کھربیماری کے تدارک کے لیے اٹھائے جانے والے اقدامات کاجائزہ لیناتھا۔موجودہ حکومت لائیوسٹاک کو تمام متعدی اورغیرمتعدی بیماریوں سے پاک کرنے کاعزم کئے ہوئے ہے تاکہ مویشیوں کی پیداواری صلاحیت میں اضافہ کرکے نہ صرف ملکی غذائی ضروریات کو پوراکیاجائے بلکہ اضافی پیداوارکے ذریعے برآمدات میں اضافہ کرکے زرمبادلہ کمایاجاسکے۔ چونکہ وبائی امراض مویشیوں کی پیداواری صلاحیتوں کو بری طرح متاثرکرتے ہیں اس لئے امراض کاتدارک موجودہ حکومت کی اولین ترجیح ہے۔ اسی لیے منہ کھرجیسی اہم بیماری کے خاتمہ کے لیے بذریعہ ویکسی نیشن حفاظتی اقدامات اٹھائے جارہے ہیں اورصوبہ بھرمیں ڈیزیزفری زونزبنائے جارہے ہیں جن کاآغاز بہاولپورڈویژن سے کیاجائے گاتاکہ لائیوسٹاک کوبیماریوں سے محفوظ کرکے نہ صرف ملکی معیشت بلکہ لائیوسٹاک فارمرز کی معاشی حالت کو بھی بہترکیاجاسکے۔ میٹنگ کے شرکاء کو سیکرٹری لائیوسٹاک پنجاب محمد احسن وحید نے بتایاکہ منہ کھرکے خلاف ویکسی نیشن مہم کو موثر بنایاجارہاہے ۔صوبائی وزیرلائیوسٹاک سردارحسنین بہادردریشک نے کہاکہ ڈیزیزفری زونز بنانے سے ملکی برآمدات میں خاطرخواہ اضافہ ممکن ہوسکے گانیز پاکستان ملائشیاء، روس اورچین کی دودھ اورگوشت کی ایکسپورٹ مارکیٹ میں شامل ہوجائے گا۔ منہ کھربیماری کے تدارک کے لیے مختص فنڈز کاتذکرہ کرتے ہوئے صوبائی وزیرلائیوسٹاک نے بتایا کہ حکومت پنجاب نے اس مقصد کے لیے 60فیصد فنڈز جاری کردیئے ہیں جبکہ 40فیصد فنڈز کے حصول کے لیے وفاقی حکومت سے رابطہ کیاجارہاہے نیزیہ ویکسینیشن FAOاور محکمہ لائیوسٹاک کے ماہرین کی زیرنگرانی کی جائے گی۔ اس موقع پر سیکرٹری لائیوسٹاک پنجاب محمد احسن وحید نے بیماریوں کے مؤثرتدارک کے لئے محکمانہ حکمت عملی کاتذکرہ کرتے ہوئے اجلاس کے شرکاء کو بتایاکہ PPR(کاٹا) بیماری کاخاتمہ حکومت پنجاب کی ترجیحات میں شامل ہے۔ اس سلسلے میں پہلے فیز میں جنوبی پنجاب کو منہ کھراورPPR(کاٹا)سے پاک کیاجائے گا۔

Bell Button Website Jassaraftab
author avatar
Editor In Chief
Dr. Jassar Aftab is a qualified Veterinarian having expertise in veterinary communication. He is a renowned veterinary Journalist of Pakistan. He is veterinary columnist, veterinary writer and veterinary analyst. He is the author of three books. He has written a number of articles and columns on different topics related to livestock, dairy, poultry, wildlife, fisheries, food security and different aspects of animal sciences and veterinary education.

Read Previous

پاکستان ایڈمنسٹریٹو سروسز میں بی ایس 22 کے آفیسر جمیل احمد کو وفاقی سیکرٹری وزارت بین الصوبائی رابطہ جات حکومت پاکستان مقرر

Read Next

ڈرگ ریگولیٹری اتھارٹی کی نئی ویبسائیٹ لانچ

Leave a Reply

Your email address will not be published.

Share Link Please, Don't try to copy. Follow our Facebook Page